طريقة التحضير
* المكونات والطريقة:
في إناء كندير بيضة
بدرجة حرارة المطبخ +فاني+ قشور حامضة
+قبصة ملح +كأس إلاربع سكر
كنخلط المكونات بالطراب
اليدوي مزيان حتا يولي الخليط أبيض، كنظيف ليهم كأس إلاربع زيت بالتدريج كنخلط المكونات +كنظيف علبة ياغورت، من وزن250غ كنخلط مكونات مزيان كنضيف 2كيسان دقيق + 2خمارت حلوة
كيكون خليط خفيف مثل خليط الكيك في الاخير كنضيف عصير نصف حامضة
كنخلط مزيان ، كنقص واحد 2 معلقات من الخليط في شي زلافة ، كنضيف ليهم معلقة كاكاو مر باش غدي نزينو الكيك من فوق ، كناخد صنية فران 40/25 سنتمتر، كنفرش فيه ورق الطبخ كنخوي فيه خليط كيك
كنحاول نسرحو مزيان كنجيب خليط لي درت فيه كاكاو كندير في بوش كندير خطوط فوق كيكة على شكل مليفاي
كندخله فران يكون سخون من قبل على نار من الأسفل من الأعلى تقريبا 20دقيقة كتكون واجدة
كنخليه حتا تبرد كنقسمه على 2، كندهن نصف بشكلاط
للذهن أو مربى كندير فوق منها النصف الثاني، كنقاد الحوانب بالسكين كنقطعو مربعات أو مسطتيلات للي بغيتو
بالصحة والراحة
