طريقة التحضير لاموس بيضاء :

• 1

  في كاسرونة نضع 250غ حليب أو كريمة الطهي تدفا قليلا .
• 2

  في زلافة نخلط 3 أصفر البيض مع 100غ سكر سنيدة و نخلط جيدا
• 3

  نضيف الخليط على الحليب مع التحراك بالفوي حتى تبدا تثقال لينا الكريمة
• 4

  ثم نزيلها ونضيف 375 غ شكلاط أبيض من النوع الجيد أو ممكن تعويضه ب 250 غ شكلاط عادي و لكن مع نصف كمية سكر سنيدة
• 5

  4 ورقات من الجيلاتن مرطبين من قبل و نحرك ثم نضيف 500غ كريم فريش مسوسة و طالعة
• 6

  تقسم لاموس حسب الرغبة ثم نضيف لكل جزء النكهات المرغوبة : نكهة البرتقال ، البيسطاش ، الحامض ، الفرامبواز....أو اللوز مقلي و محمر و مهرمش.

طريقة تحضير لاموس بالشكولاطة السوداء :

• 1

  في كاسرونة نضع 250غ حليب أو كريمة الطهي تدفا قليلا .
• 2

  في زلافة نخلط 3 أصفر البيض مع 100غ سكر سنيدة و نخلط جيدا ، نضيف الخليط على الحليب مع التحراك بافوي حتى تبدا تثقال لينا الكريمة
• 3

  ثم نزيلها ونضيف 375 غ شكلاط أسود من النوع الجيد أو ممكن تعويضه ب 250 غ شكلاط عادي و لكن مع نصف كمية سكر سنيدة
• 4

  4 ورقات من الجيلاتن مرطبين من قبل و نحرك ثم نضيف 500غ كريم فريش مسوسة و طالعة .
• 5

  تقسم لاموس الى أجزاء ثم نضيف لكل جزء نكهة معينة : نكهة القهوة ، نكهة النوازيط ، الكراميل....
• 6

  * في مول السليكون نضع كمية من لاموس ونضع فيه نكهة معينة من لاموس اللي حضرنا وتدخل للمجمد في حالة كانت غادي نعملوها بالصابلي أو النوكا ، أما الا كنا غادي نحضروهم بعجين الجينواز فيجب تحضير الجينواز في نفس الوقت و تقطيعها حسب المولات و تدخل للمجمد معها في نفس الوقت.

طريقة تحضير الصابلي:

• 1

  تخدم الزبدة مع السكر كلاصي بالأصابع فقط ثم نضيف اللوز أو البراليني ، البيض ، الزبدة ثم الدقيق حسب الخليط ، تجمع العجين بالأصابع فقط و تدخل للثلاجة مدة 15 دقيقة .
• 2

  تطلق بين 2 بلاستيكات أو ورق الطبخ و يقطع حسب المولات اللي عملنا فيهم لاموس و يدخل لفرن يطيب على نار مهيلة حتى يتذهب لونه.

طريقة تحضير الجينواز:

• 1

  في لاطة الفرن نفرش فيها ورق الطهي ثم نسرح فيها الخليط وممكن رشها من فوق باللوز أو الكاوكاو محمر و مهرمش ، و تدخل للفرن مدة 10 دقائق فقط .
• 2

  تقطع الجينواز حسب المولات اللي عندنا و نضعها في المول اللي فيه لاموس و يدخل للمجمد .

طريقة تحضير النوكا:

• 1

  يخلط الكل و نضع حوالي حبة محمصة في مول السليكون و يدخل للفرن مدة 5 دقائق حتى تتذهب و نزيلها من المول ثم نضعها فوق لاوس.
• 2

  يقدم البلاطو مشكل بالصحة و الراحة.