الطريقة :

• 1

  كنتبلو اللحم مزيان و نخليو ساعتين او اكتر،
• 2

  كنديروه في الكوكوط تحت منو البصل و نخليوه يطيب .
• 3

  كناخدو البرقوق في الما نديروه في الما مرة و 2 حتى كيتغسل مزيان، و نديروه مع الماء فوق البوطة حتى كينشف ، نزيدو عليه نصف كاس من المرق ديال اللحم و 2 طوبات ديال السكر و عود القرفة و نخليوه يتعسل.
• 4

  و نرجعو اللحم لي كيكون طاب و الدغميرة نشفت شوية، كنزيدو عليه نصف كاس زيت بين زيت المائدة و زيت الزيتون و نخليو الدغميرة توقف.
• 5

  من بعد كيكون البرقوق تعسل كناخدو المرق ديالو و نزيدو عليه مع من الزبدة و نكبوه علي اللحم باش يعطينا لون محمر و يعقد لينا المرق اكثر
• 6

  و البرقوق حتى هو كنزيدو عليه م الزبدة باش ميقساحش السكر
• 7

  و كنقدمو اللحم مع البرقوق

السفة:

• 1

  كناخدو كيلو كسكس كنزيدو عليه ربع كاس زيت و م الملح و نخلطوها مزيان ، نزيدو عليها لتر الا ربع ماء و نخليها تشرب.
• 2

  من بعد نفورها الفورة الاولى و نفرق بالما و نفورها الفورة الثانية و كنفرق الكسكس بنصف كاس من الحليب و نخليها تبرد ، نفور اخر تفويرة و من بعد كنزيد 2 م ك زبدة و نخلط مزيان و نزيد علبة من الحليب المركز المحلى .
• 3

  كناخد ربع الكمية كنزيد عليها 150 غ براليني و نخليها علي جنب و نزيد الزبيب او اي مكسرات .

التقديم:

• 1

  نضع طبقة مم السفة و طبقة السفة بالبراليني و طبقة سفة من فوق و التزيين اختياري.
• 2

  بالصحة والراحة.