طريقة التحضير
* المقادير :
* عقدة اللوز : 1 كلغ لوز مصلوق و مزولين ليه القشرة و بايت ليلة كاملة ينشف ، في الغد يهرمش مع نصف كلغ سكر كلاصي .
1 كأس كبير زبدة مذابة و معلقة من المسكة الحرة و معلقة قرفة و رشة ملح ، نجمع الكل و تدلك العقدة جيدا .
* العجين :
نجمع كل من : معلقة من السكر كلاصي الخاص بالحلويات و زلافة الدقيق معلقة كبيرة من الزيت و رشة ملح ، و نرمل العجين جيدا و نضيف له رشة من روح الزهر أو الزهر العادي حوالي 3 معالق كبار و معلقة من مربى المشماش سائل ، نجمع الخليط جيدا ، يكون العجين ماشي قاسح فقط نضيف الماء حتى يتجمع لينا ، ندلك جيدا و نغطي العجين و نتركها ترتاح .
نشكل حريبلات صغار من عقدة اللوز ، نطلق العجين بالمدلك و نشكل كعب الغزال ديالنا بالطريقة المتعارف عليها .
نخطط الكعب غزال من فوق بسكين حاد أو يثقب بابرة ، يبات كعب غزال ليلة كاملة و في الغد يدهن ببياض بيضة من الجوانب و من فوق ، ندخله للفرن يطيب على نار مهيلة .
يقدم كعب غزال البلدي الأصيل بالصحة و الراحة.