مقادير الجينواز:

• ●6 البيضات
• ●200غ حبيبات السكر ما يعادل كاس وربع، تقريبا 8ملاعق كبيرة
• ●170غ دقيق ما يعدل زوج كيسان، تقريبا8 ملاعق كبيرة
• ●30غ كاكاو ما يعادل نصف كأس، تقريبا زوج ملاعق كبار
• ●قبصة ملح
• ●خمارة من وزن 8غ

طريقة الجينواز:

• ●في اناء يكون ممسوح مزيان من الماء، تناخذو البيض(البيض منغسلوهش باش ميدخلوش الماء، وخاصو يكون واخذ درجة حرارة الغرفة)، نضيفو عليه قبيصة الملح ،نطربوه بالطراب الكهربائي حتى يدير الكشكوشة عاد نضيفو سكر سنيدة تدريجيا.
• ●نبقاو نطربوا حتى يبياض الخليط ويضاعف لينا الحجم ديالو، ويتكون لينا rebond
• ●من بعد تناخذو الدقيق، نضيفو عليه الكاكاو والخمارة، و خلطوهم ونضيفوهم شوية بشوية، نخلطو بالسباتيل من تحث الى فوق ونكراطيو الجناب(خاصنا نبقاو محافظين على حجم البيض والسكر اللي طربنا)
• ●تناخذو أي شكل من أشكال المول مربع أو دائري(طيبت الجينواز في مول دائري قياس 28سنتيم)،.
• ●تنذهنوا مزيان بالزبدة والدقيق، نكب خليط الجينواز، وندخلوه يطيب في الفران بحال طياب اي كيك(180درجة).

مقادير la mousse blanche :

• ●رابعة حليب
• ●2 أصفر بيض
• ●120غ حبيبات السكر
• ●ملعقة صغيرة نكهة الفاني
• ●500غ كريم فريش
• ●500غ شكلاط أبيض غيش
• ●5 أوراق جيلاتين

طريقة تحضير la mousse blanche:

نحضر الكريم anglaise :

• ●أولا تناخذو رابعة الحليب وتنغليوها فوق البوطة.
• ●في نفس الأثناء وفي إناء تناخذو صفار البيض تنزيدو عليه سكر سنيدة، نطربوا بالطراب اليدوي حتى يتجانسو المكونين.
• ●لما يغلى الحليب تنضيفوه تدريجيا على خليط صفار البيض ، وحنا تنحركو بملعقة خشبية.
• ●من بعد تنديو الخليط فوق البوطة مع التحريك المستمر حتى تثقال لينا الكريما(باش تنعرفوها راها واجدة، تندوزوا الأصبع ديالنا على الملعقة الخشبية، إلى أن ترسم لينا خط واضح، صافي را الكريما واجدة واللي عندو محرار الطبخ را تطيب على 80درجة).
• ●* في حالةإلى كلات ليكم الكريما وتحببات،طحنوها بالمكسور وصفيوها.
• ●وهي سخونة تنظيفو ليها 5 أوراق جيلاتين مرطبين في الماء و معصورين، و500غ شكلاط أبيض غيش.
• ●نحركوا مزيان حتى يذوب الجيلاتين والشكلاط ومن الأحسن نطحنوها بالمكسور.
• ●من بعد تناخذو 500غ ديال الكريم فريش، تنطربوها mi monté وتنخلطو الكريمات مع بعضياتهم.
• ●وهادي هي la mousse blanche تتجي روعة ممكن تعتامدوها في أي حلوة لاكريم وحتى في الفرين تتحي زوينة بزاف

تحضير كولي الفرمبواز:

• ●250غ من الفرومبواز
• ●100غ حبيبات السكر
• ●ورقة جيلاتين

طريقة تحضير كولي الفرومبواز:

• ●في كسرونة فوق البوطة تنديرو الفرومبواز مع حبيبات السكر مع شوية من عصير الحامض، غير يغلى الخليط واحد ثلاث غليات، نطفيو عليه ونضيفو ورقة الجيلاتين مرطبة ومعصورة من الماء.
• ●نطحنوا الخليط ونصفيوه.
• ●ونحتفظ به جانبا.

مقادير كريم الكناش مونطي:

• ●200غ كريم فريش
• ●100غ حليب
• ●200غ شكلاط بالحليب غيش
• ●70غ la masse gélatine: ‏=10بودرة الجيلاتين و60 غ من الماء

طريقة التحضير:

• ●تناخذو الحليب تنغليوه فوق البوطة وتنضيفو عليه la masse gélatine)ممكن تعويضها بورق ونصف من الحيلاتين ) والشكلاط بالحليب.
• ●نطحنو المكونات مزيان بالمكسور ، تناخذو 200غ ديال الكريم فريش نطربوها مزيان.
• ●تنضيفو الكناش تدريجيا على الكريم شانتي وحنا تنحركوا غير بالسباتيل حتى ينساجمو لينا المكونات.

مقادير السيرو:

• ●300غ ماء
• ●ملعقة كبيرة قهوة سريعة الذوبان
• ●150غ حبيبات السكر

وأخيرا مونتاج الكاطو:

• ●نقسم الجينواز على ثلاثة،نضع القطعة الأولى في اطار دائري، نسقي مزيان بالسيرو بارد، نضع طبقة من la mousse blanche، البسكوي الثاني، نسقيه جيدا، نضع طبقة من الفرومبواز وندخلوه المجمد غير يقساح شوية الكولي.
• ●ثم طبقة من la mousse blanche، الجينواز الثالث نسقيه جيدا ثم طبقة كريم كناش مونطي.

بالنسبة للتزين:

• ●نزين بالشكلاط الأسود مذوب ومنجور والسكر كلاصي و حبيبات الفرومبواز.
• ●بالصحة و الراحة .

طريقة التحضير