مقادير الجينواز :

• ●4 بيضات ، 160غ سنيدة ، 160غ دقيق، 2معالق زيت، 2معالق حليب ، خمارة الحلوى و معلقة خل..

الطريقة:

• ●نفصل الأصفر على الأبيض ، نطلع ابيض البيض مزيان مع السنيدة حتى يولي ابيض بحال الثلج ، نزيد اصفر البيض اللي عزلنا و حنا كنطربوا ، نزيد الحليب و الزيت ، نكون مغربلة الدقيق مع الخمارة ندخلهم شوية بشوية بسباتول من تحت الى فوق، نحاول مانخرجش الهواء و في الاخير نزيد الخل.

طريقة الطهي:

• ●فران يكون سخون مزيان من قبل ، ندخلوا الجينواز ونقصوا ليه 15° ، الفران شاعل من تحت فقط ، تكون الجينواز بعيدة على النار حتى نشم ريحة الكيك ونقلب تدوز على الأقل ساعة الا ربع.

كناش مونطي اسود:

• ●200غ شكلاط نوعية جيدة ، 100غ كريمة في حمام مريم حتى يذوبوا، خارج النار نزيد 300غ كريمة و نحركوا ، نغطيو الوجه بالسلوفان وندخلوه الثلاجة ليلة كاملة ، في الغد نطلعوه مزيان بالباطور حتى يوقف.

كناش مونطي شكلاط ابيض:

• ●100غ شكلاط ابيض نوعية جيدة يذوب مع 50غ كريمة حتى يذوبوا ، خارج النار نزيد 150غ كريمة، نحرك ونغطي وجه السلوفان يبات ليلة كاملة فس الثلاجة للغذ ، نطلعوا مزيان حتى يوقف بنفس طريقة الكناش الأسود.

كريمة الزبدة:

• ●نوجد كريم باتسيير بنصف لتر حليب ، 3معالق سنيدة مع 4معالق كريم باتسيير فوق النار حتى يعقاد ، نغطي وجه السلوفان ، نخليه ياخد درجة حرارة مطبخ .
• ●ناخدوه ونطحنوه بالهاشوار يولي بحال الكريمة ونكون انا خدمت من قبل 200غ زبدة بحرارة المطبخ بوماد ، نخدمها بالباطور ونزيد الكريم باتسيير نخدمهم واحد 10دقايق.

بالنسبة لكريمة الزبدة :

• ●كنقسمها وننسمها

قسم 1:

• ●شكلاط نوعية جيدة مذوب

قسم2 :

• ● شكلاط نوعية جيدة ابيض و 2معالق براليني اللوز.

كناش التغليف:

• ● 400غ شكلاط نوعية جيدة مذوب ، منين يذوب خارج النار نزيد 100غ كريمة ونحرك ونخليه تيبرد شوية ونخدم بيه.

ملاحظة :

• ●هذا قياس 15سنتيم

طريقة التحضير