طريقة التحضير
شهيوات من الدار_مع _سناء و حليمة ام شهد من البيضاء
تحلية البيسكوي و الحامض
* المكونات :
- الطبقة الاولى :
12 قطعة من البيسكوي نطحنوها مزياااان، نضيف لها 2 معالق كبار زبدة نوازيط، نخلطو مزيان حتى يتجمع الخليط ، نوضعوه في إطار مدهون بالقليل من الزيت و نبسطووه مزيان باش اشد راسو، ندخلوه للثلاجة.
* الطبقة الثانية :
ناخدو كاسرول نوضعو فيه نصف لتر حليب مع 4 معالق كبار سكر و 4 ديال معالق بودرة الحلواني، نخلطوهم جيداا ، نوضعهم فوق النار مع التحراك حتى يتقال الخليط، نطفي عليه و نضيف عصير حامضة و معلقة كبيرة زبدة ، نخلهم مزيان و نصبهم على طبقة البسكوي .
ندخلهم الثلاجة .
بالنسبة للتزين : صوص كراميل و سيگار الحامض..
بالصحة والراحة.
