طريقة التحضير

* المكونات و الطريقة : - المرحلة الأولى : في طنجرة نضع 2 دجاجات من وزن 2 كلغ و نصف مقطعين على 4 ، نضيف لهم 2 بصلات مشنفين ، معلقة كبيرة سكينجبير ، معلقة كبيرة خرقوم ، معلقة كبيرة قرفة ، معلقة صغيرة ابزار ، القليل من الملح ، ضامة الزعفران أو الزعفران شعرة ، 3 معالق كبار زبدة ، معلقة كبيرة سمن ، 3 أعواد قرنفل ، 3 معالق كبار كاسوناد أي السكر البني أو معلقة كبيرةعسل ، كأس كبير ماء . نخلطوا الكل حتى تنسجم العناصر ثم نضع الطنجرة على نار مهيلة حتى يطيب الدجاج ، نضيف كأس عسل ثم نتركه يتشرب ، نزيل الدجاج . في نفس الطنجرة نضيف 4 كلغ بصلة مقطعة مقطعة جناوح كبيرة و تكون مصلوقة في الماء و الملح و مصفية مزيان ، نضيف لها معلقة صغيرة سكينجبير ، معلقة صغيرة خرقوم و نترك البصل يتشحر مع التحراك ، فاش تقرب توقف نضيف لها معلقة قرفة ، ربع معلقة صغيرة قرنفل مطحون ثم كأس زيت ، 3 كؤوس سنيدة حتى تتعلك البصل ثم نطفئ النار و نصفي البصل و نتركها تبرد تماما. - المرحلة الثانية : نأخذ 4 مطيشات مقشرين و مقطعين مربعات صغار و نضعهم في مقلاة فوق النار ، ثم نضيف القليل من الملح ، 100غ سنيدة ثم نحرك حتى تنشف و نضيف نصف كأس زيت و نتركها حتى تتعلك ثم نزيلها من فوق النار و نصفيها ، نحتفظ بالزيت بالزيت الى حين الاستعمال. - المرحلة الثالثة : نأخذ نصف كلغ لوز مصلوق و مفسخ و مقلي و مهرمش غليظ ، نضيف له معلقة كبيرة من القرفة ، كأس سنيدة ، ساشي نكهة الزهر و نحرك جيدا حتى تنساجم كل العناصر و نحتفظ بزيت القلي. - المرحلة الرابعة : نأخذ 4 بيضات و نطربوهم مع 2 معالق كبار حليب مركز محلى كراميل و نتركهم جانبا. - المرحلة الخامسة : نأخذ الدجاج و نضيف له البصل اللي عسلنا و نزيدو ليه مطيشة معسلة و نترك منها القليل للتزيين ، نخلط الكل بمهل ثم في الأخير نضيف البيض المطرب و نخلط الكل و نتركه جانبا . نأخذ 2 أوراق بسطيلة و ندهنهم بالزيت المصفى من مطيشة و ندخلهم للفرن حتى يتقرمشو ، نفررتهم بيدينا و نتركهم جانبا . نأخذ الكنافة ونبسبسوها بالقليل من الزيت اللي قلينا فيه اللوز و نأخذ نصف كلغ ورقة متوسطة و ندهنوها كاملة بزيت اللوز المقلي . * المونطاج : نستعمل المول حسب المتوفر، ندهنه جيدا بالزيت ثم نفرشوا ورقة البسطيلة تكون مطوية على 2 ، نضع كل الأوراق مطوية و نخرجوا جوانب الورقة على المول ، نفرغ كمية من اللوز من جناب المول وعلى الورقة ثم ندردر عليه القليل من الورقة المقرمشة ، نضيف القليب من الحشوة ثم نسدو بالورقة و نزيل فائض الورقة ، نقلبو المول على صينية الفرن تكون مدهونة بالزيت ثم نتمم المونطاج و نأخذ الوسط الفارغ و نضع فيه القليل من الكنافة المحضرة ، نأخذ 4 أوراق البسطيلة و نطويهم على 2 و نضع واحدة بجانب الثانية ثم القليل من الحشوة ديال الدجاج و اللوز ، ثم نبدأ في طيها على شكل محنشة ثم الفراغات المتبقية و الورقة اللي عمرنا في البداية نضع حشوة الدجاج ثم باقي الكنافة . تدخل البسطيلة للفرن تطيب . نزين بدوائر مطيشة اللي عسلنا و نعمل منها كويرات ثم نرش باللوز ثم خطوط من الحليب المركز المحلى كراميل على الأماكن اللي فيها الورقة فقط. وتقدم بالصحة و الراحة.