- ●ناخد دجاجة كبيرة وزن 3 كيلو من بعد ما غسلناها ورقدناها فلخل والملح كنغسلها مزيان.
- ●في طنجرة نضع بصلة كبيرة مشلضة مع معلقة كبيرة قزبر طري مقطع العطرية م كبيرة سكنجبير 2م صغيرة ابزار نص معلقةكبيرة خرقوم
- ●شعيرات زعفران شعرة
- ●عويدات قرفة
- ●ملح 2 م كبار زبدة سبيسيال أو لعلبة نصف كأس زيت نشحر دجاج ونمرقو ونخليه يطيب.
- ●ناخد 3 كيلو بصلة ليشلظتها من بعد ما طاب دجاج نحيوه على جنب ونضيف لبصلة طيب.
- ●من بعد نقطع ولمعدنوس تقريبا زلافة كبيرة من بعد ماطيب لبصلة نضيف ليها المعدنوس ونخليوها تقريبا واحد 10 دقايق نضيف ليها لبيض تقريبا 15 لبيضة ونحرك مزيااااان منوقفش تحريك تم نضيف 2معالق كبار قرفة شوية مسكة حرة وكأس سكر حسب الدوق حتى طيب لعقدة منبعد نستقطرها فلكسكاس.
- ●كناخد لوز ليحمرتو بقشرتو ونطحنو ونضيف تقريبا 3 معالق كبار سكر ونطح حتى يولي براليني ونستعلمو عجينة لبيسطاش كتباع فمحلات الحلويات.
- ●من بعد كناخد طبسيل ديال بسطيلة ونستف لورقة وندير طبقة دجاج هي لولة فوقها طبقة لعقدة ولبيض فوثاه طبقة بيساش ونعاود ندير طبقة دجاج طبقة لعقدة وطبقة لوز براليني ونجمع لورقة ونسد وندهن بزيت من لفوق نتقب بسطيلة وندخلها طيب على عافية متوسطة.
- ●من بعد نزين بريوات لوز لوز ايفيلي شوية ديال بيسطاج مهرمش وبصحة والراحة.
الطبخ