طريقة التحضير
شهيوات من الدار_مع _سناء و حليمة ام شهد من البيضاء
بريوش عائلي بحشوة الفلان
* المكونات :
500 غ دقيق ، 10غ خميرة فورية، بيضة، 60غ زيت ، 100غ سكر ، كاس من الحليب دافيء نجمعو بيه العجين ديالنا، ندلكوها مزيان و نخليوها تخمر مزيان .
* الحشوة:
نصف لتر حليب، فلان شكلاطة، معلقة كبيرة كاكاو مر ، 3 معالق سكر ، معلقة كبيرة عامرة دقيق الذرة، نخلطو كولشي مزيان و نوضعوه على نار مهلية حتى يوجد لينا الخليط.
ناخدو العجين نقسموها على زوج الكورات، الاولى نسرحوها بالمدلك بمساعدة الدقيق و نلبسوها المول المدهون بالزبدة و نضع وسطها الحشوة ديال اافلان و نحتافضو بالقليل للتزين .
نسرحو الكورة الثانية و نغطيو بيها الخليط و نسدوها مزيان من الجناب ، نزينها بخطوط من الخليط اللي احتافضنا بيه، نخليوه يخمر و ندخلوه الفران مسخن من قبل ، ننقص الحرارة تكون متوسطة العافية من تحت من بعد الفوق باش تتحمر
بالصحة و الراحة .
