الطريقة :

• 1

  كاناخدو الدقيق كانديروه في البول و كانزيدو الخميرة و سكر حبيبات و نخليوهوم يتفاعلو من بعد كانزيدو الملح و الخمارة و الزيت و نجمعو العجين بالحليب دافي و العجين يكون رطب و كانزيدو فيها م الزبدة بحرارة المطبخ و نخليوها تختامر شويا من بعد كاناخدو الطبسيل د الفرن و ندهنو يدينا بالقليل من الزيت و نقطعو العجين على شكل كويرات حسب الحجم لي بغينا و نخليوه يخمر و ناخدو بيضة نخلطوها مع صلصلة الصويا و ندهنوهوم ببها و نزينوهوم بالزنجلان ابيض و نديروهوم يطيبو

طريقة الدجاج

• 1

  ناخدو سدر الدجاج حسب كمية الناس و نقطعوه شرائح و نديروه في بول و نزيدو عليه م ثومة بودر و 2 م ك موتارد و م بابريكا صغيرة و الابزار و الملح و نخليوه يرقد شويا
• 2

  من بعد كاناخدو بيضة و نطربوها مع صلصلة الصويا و ناخدو شابلوغ البيضة و ناخدو سدر الدجاج نديروه في البيض و ندوزوه في شابلوغ و نحطزه في ورق الفرن و ندخلوه يطيب

طريقة المايونيز المنزلية

• 1

  كانديرو كاس حليب في الخلاط الكهربائي و نزيدو عليه 4 د الفرماجات مثلتين و ربع كاس خل و الملح حسب الدوق و نخلطو بااخلتط الكهربائي و حنا كانزيدو كاس ديال الزيت د المائدة د العنبة و كانبقاو نزيدو شويا بشويا حتا كيولي الخليط عاقد
• 2

  منين كانحضرو جميع المكونات كاناخدو خبز البرغر و نحلوه في النصف و في مقلة نديرو الزبدة و نحطوه باش يسخن و كاندهنوه بالمايونيز و نضيفو علبه البص و الطماطم و الخص و المخللات و الدجاج لي سبق لينا و حضرنا و نقدموه بالصحة و الراحة.