الطريقة :

• 1

  في مقلاة كنديرو فيها البصلة مشلظة مع الزيت مع قبصة ملح حتى تطيب البصلة ، تنزيد عليها السبانخ ونشحرو الكل ،نزيد لاداند مقطع وتنزيدو عليه العطرية والصوجا والموطارد ، نشحرو الكل وفي الاخير تنزيدو المعدنوس مع لاداند فيمي مقطع رقيق ونطفيو عليه.
• 2

  كناخدو 200 غرام ديال الزبدة كندوبها ، تنزيد عليها معلقة صغيرة ديال التحميرة باش تعطينا اللون .
• 3

  وكناخدو كسرونة كندير فيها معلقة كبيرة ديال الزبدة ومعلقة كبيرة من الدقيق فوق نار مهيلة مع التحراك حنى تدوب الزبدة ، تنزيدو الحليب وتنخلطو الكل حتى يعقاد ليا الخليط ونخلطوه مع الحشوة ، تنزيدو عليه 150 غرام فرماج احمر مع علبة ديال الجبن ، نخلطو الكل حتى تولي عندنا الحشوة معلكة ونخليوها حتى تبرد.
• 4

  كناخدو 500 غرام ديال الكنافة كنحلها غير شوية وتنلبسها المولات ، تنديرو الحشوة في الوسط ونغطيوها بالكنافة من فوق ونضغطو عليها باش تشد مزيان .
• 5

  وفي الاخير كندير معلقة ونصف ديال الزبدة اللي دوبنا ومخلطة مع التحميرة ، كندخلها الفران يكون سخون ، عافية غير من تحت حتى تحمر مزيان ونشعلو العافية من فوق حتى تحمر .
• 6

  نخرجها ونزينها بالفرماج ساندويتش ولداند فيمي.
• 7

  بالصحة والراحة .