مقبلات ساخنة بطريقة ليلى أسكور من مراكش : راديو أصوات

المدينة	التردد	المدينة	التردد
آسفي	103.6	أصيلة	102.3
أكادير	100.4	إفران	103.6
الجديدة	95.1	الحسيمة	97.7
الخميسات	99.9	الداخلة	89.7
الدار البيضاء	104.3	الراشدية	102.5
الرباط	95.7	السعيدية	102.0
السمارة	93.5	الصويرة	92.8
العرائش	99.3	العيون	104.6
الغرب	99.3	القنيطرة	105.8
الناظور	104.3	اليوسفية	100.6

الطبخ

مقبلات ساخنة بطريقة ليلى أسكور من مراكش

●ناخدو البدنجال كبير شوية ونقطعوه على النصف ، نخليو ليه الطربوش ديالو ثم نخويو ليه القلب ديالو
●في مقلاة نعملو فيها جوج مطيشات محكوكين ، معلقة كبيرة مطيشة الحك ، معلقة كبيرة صوص طوماط اختيارية والزيت ونشحروهم شوية ، نضيفو قلب البدنجال والكرعة الخضرا محكوكة ، ملح، ابزار ، تحميرة ، كامون وملعقة كبيرة عطرية الكفتة ونحركو مزيان حتى يطيب الكل.
●ناخدوه ونقطعوه مزيان .
●ناخدو قشرة البدنجال اللي خوينا ونصلقوها شوية في الماء ثم نسقطروها .
●نعمروهم بالحشوة ونحكو عليهم الفرماج وندخلوهم للفرن حتى يدوب الفرماج ونقدموهم.
●بالصحة والراحة.

●كمية من البطاطا مقطعة مربعات
●2 ضروس ثوم محكوكين
●الربيع مقطع
●تحميرة ، ملح، ابزار، كامون كركم و الزيت ، مطيشة محكوكة ، معلقة كبيرة مركز الطماطم .
●نخلط الكل جيدا ونشحروها شوية ، نصبو لقياس ديال الماء ونخليوها نطيب على خاطرها ونقدموها.
●بالصحة والراحة.

●كمية من الكرعة الخضراء مسلوقة مع جوج ضروس ثوم بقشرتهم .
●ناخدو إناء ونوضعو فيه معلقة معدنوس ، تحميرة، ابزار، كامون ، ملح معلقة صغيرة خل ، معلقة صغيرة سكر وزيت زيتون ، نمعكو دوك ضروس الثومة ونخلط جيدا ، نصبوهم على الكرعة ونحرك ونقدموها.
●بالصحة والراحة .