الطريقة:

• 1

  في اناء نضع الزبدة ،الزنجلان ،ماء الزهر ،الماء ، الملح، النافع، اصفر بيضة ، ملعقه صغيره خميرة الحلويات ، نخلطو مزيان ونجمعو بالدقيق حتى نحصل على عجينة متماسكة ، نضعها في بلاستيك .

نحضرو الحشوة:

• 1

  نصف كلغ معجون التمر ، نضيف له 3 حتى 4 حفنات من الزنجلان محمر.
• 2

  2 م ك الى 3 ماء الزهر ، م ص قرفة ، م ص زبدة ونعجنوها مزيان ثم نشكلها كويرات .

طريقة التشكيل :

• 1

  نقسم العجينة ونطلقوها بالمدلك وكنرشو بالدقيق حتى نحصلو عليها رقيقة نوعا ما ، نحاولو نعطيوها شكل مستطيل طويل فيه 15cm تقريبا او مربع ، ناخد الجرارة ونقسم العجين مستطيلات بعرط 7cm ، ثم نضع كرات التمر متباعدة في المستقيم الاول، ندهن بالماء الجوانب المحيطة بالحشوة ، ناخد الجزء الثاني من العجينة ونضعه فوق الاول فين وضعنا الحشوة، نتبثها بشكل جيد ثم نقطعوها بقطاعة دائرية بحيت يبقا لينا واحد شوية العجينة بعيدة على الحشوة عاد نقطعو .

بالنسبة للطياب :

• 1

  ندهنو الصينية بالزيت او الزبدة ونحطو ها ونعاودو ندهنوا بالزيت او الزبدة ، نديرو فكل واحدة 3 او 4 ثقيبات بعود الشواء ونطيبوها على درجة حرارة 180 درجة شاعل من فوق وتحت .
• 2

  تطفى في العسل مباشرة بعد اخراجها من الفرن.
• 3

  وبالنسبة للقلي نتركهم حتى ينشفو بشكل جيد عاد نقليوهم في الزيت ونطفيهم في العسل والتزيين نزينو بالزنجلان.
• 4

  بالصحة والراحة.