طريقة التحضير
شهيوات من الدار_مع _سناء و حليمة ام شهد من البيضاء
كيكة بالحامض و صوص الحامض.
* المكونات و الطريقة :
ناخدو إناء و نوضعو فيه 3 بيضات مع رشة ملح ، كأس سكر ونخلطو مزيان نضيف كأس الااربع زيت مع التخلاط ، نضيفو كأس فيه حامضة معصورة و مصفية و الباقي نكملوه بالماء، نخلطو هادشي مزيان و نضيف قشورة حامضة اللي عصرنا ، 3 أكياس خميرة الكيماوية ، نضيفو الدقيق على حساب الخليط.
ناخدو المول ندهنوه بالزبدة و نرشوه بالزنجلان الابيض ، نوضعو نصف كمية الخليط و نستفو سيگار الحامض (سيگار محشو بالحامض) ، نضيفو النصف المتبقي من الخليط وتدخل الى الفرن على حرارة170 درجة.
* صلصة الحامض :
ناخدو كاسرول نوضعو فيها كأس الا ربع سكر و كاس الا ربع ماء، بيضة، نصف كأس عصير الحامض ، معلقة كبيرة دقيق الذرة ، قشور حامضة ، نخلطو كولشي ونوضعوه فوق النار على عافية مهيلة مع التحراك حتى يثقال الخليط، نحيدوه من فوق العافية ،نضيف معلقة كبيرة زبدة (نخليها تبرد و نزينو بيها الكيك ديالنا)
بالصحة والراحة .
