طريقة التحضير
* المكونات و الطريقة :
6 مخاخ غنمي ، 500غ كبدة العجل و 500غ كلوة .
نضع المخ في الماء الساخن فوق النار مدة 5 دقائق و ننقيه من العريقات و يقطع طريفات.
في مقلاة نضع كأس زيت و بصلة مقطعة رقيق (حوالي ربع كيلو) حتى تتشحر مزيان ، نضيف 2 مطيشات مقطعين رقاق و نشحر جيدا ، نزيدو معلقة صغيرة من تحميرة ، الكامون ، الابزار ، الحار ، الكبدة مقطعة طريفات صغار ، الكلوة طريفات ، الملح ، القزبر و المعدنوس و نشحروا مزيان ، في الأخير نضيف قشرة حامضة فقط و نترك المرق توف لينا .
* حشوة الكفتة :
في مقلاة نضع 2 بصلات كبار مقطعين رقاق و نصف كأس من الزيت و نشحروا البصلة حتى توقف.
نضيف 1 كلغ كفتة و نشحروا مزيان حتى تنشف من الماء مزيان و نزيدوا 500 غ من خيزو محكوك طويل و يتشحر مزيان ، نزيدوا المعدنوس ، ملح ، معلقة كبيرة من عطرية الكفتة ، الابزار ، الكامون ، الهريسة و نشحرو مزيان ، وخارج النار نضيف الكورنيشو محكوك و نتركه يبرد ، نضيف 100غ فرماج محكوك و 5 مربعات من الجبن و نخلطوا مزيان .
* حشوة الفو فيلي :
نشحرو 2 بصلات مقطعين رقاق مع نصف كأس زيت حتى يولي ذهبي .
نأخذ 1 كلغ و نصف من فيلي اللحم و نضيف له الملح ، الابزار ، 3 معالق من الدقيق و نخلطزا الكل .
بصلة مقطعة رقيق مع نصف كأس زيت نضعها في مقلاة و نتركها تتذهب ، ثم نضيف اللحم حنى يتحمر و نضيف نصف كأس ماء و نحركوا مزيان تقريبا حوالي 10 دقائق ثم نزيدو رابعة الفطر و نشحر الكل.
* المونطاج :
نأخذ الحشوة الأولى و نعمروا بها بسطيلة صغيرة "مول لاطارط" و نضعها في الوسط ، نأخذ الورقة نفسها على 2 و نعمروا بها محنشات صغار ، نضيف حشوة الكفتة و الجزر على البسطيلة.
ثم حشوة اللحم نعملو بها حرابل طويلة و نعملو بحال محنشة كبيرة و ندوروا المحنشات الصغار فوق البسطيلة.
بالصحة والراحة.
