التريد بالحمام معمر بطريقة فاطمة الزهراء مستبشر من فاس . : راديو أصوات

المدينة	التردد	المدينة	التردد
آسفي	103.6	أصيلة	102.3
أكادير	100.4	إفران	103.6
الجديدة	95.1	الحسيمة	97.7
الخميسات	99.9	الداخلة	89.7
الدار البيضاء	104.3	الراشدية	102.5
الرباط	95.7	السعيدية	102.0
السمارة	93.5	الصويرة	92.8
العرائش	99.3	العيون	104.6
الغرب	99.3	القنيطرة	105.8
الناظور	104.3	اليوسفية	100.6

الطبخ

التريد بالحمام معمر بطريقة فاطمة الزهراء مستبشر من فاس .

●في طنجرة نحط 4 بصلات مشلظين مع نصف كيلو داند ، 1م ص سمن ، ملح ، إبزار، سكنجبير ، خرقوم ، زعفران حر ، عود قرفة ، 2 نجمات الباديان ، زيت الزيتون.
●نشحر الكل على النار ثم نضيف ليه 1 كأس ماء ومن بعد ما يطيب لداند نحيدوه ونفرتتوه ، نضيف المعدنوس في الطنجرة و البيض ونخلط حتى يعقاد الخليط ونحيدوه ، نضيف ليه لداند مفرتت و العسل و نضيف اللوز مطحون مع السكر و القرفة و المسكة حرة .

●نخلط في اناء 2 معالق كبار زبدة، 1 م ص سمن ، خرقوم، سكنجبير ، زعفران حر ، ملح و نخلط الكل ونشرمل بيه الحمام .
●ونعمر بالحشوة

●في طنجرة نشحر 4 بصلات مشلظين مع 2 بصلات محكوكين، زيت الزيتون و 1 م ص سمن، 1 ربطة المعدنوس ، الخرقوم ، السكنجبير ، زعفران حر،
●ملح ، إبزار ، ملي يتشحر الكل شوية نستف فوقه الحمام و نضيف الماء الكافي سخون حتى يتغطى الحمام ونخلي الكل حتى يطيب .
●من بعد ماكيطيب الحمام نحيدوهم ويتستف في طاوة الفرن، ندهنوهم بالزبدة و ندخلوه يتحمر شوية على عافية مهيلة.
●ناخدو التريد ونبخروه ونستفوه على حسب الطريقة للي بغيتو و نضيف فوقه الحمام و زينوه حسب الرغبة .
●بالصحة والراحة .