الطريقة:

• 1

  ناخذ هبرة الدجاج ونشرملها بالتوابل المذكورة ماعدا مركز الطماطم ثم ندخله للفرن او نشويه على الفحم يكون أفضل ونتركه جانبا.
• 2

  في مقلات نديب القليل من الزبدة ونشحر فيها البورو مشلظ حتى ينزل ، نضيف له الكرومب محكوك ونخلط ، أما ماتبقى من شرمولة الدجاج نضيف لها الكرعة محكوكة على الطول ، ملعقة كبيرة من مركز الطماطم والقليل من زيت الزيتون + ملح+ ابزار+ ثوم محكوك+ سكين جبير طري ونخلط الكل ثم ناخذ مقلات نصب فيها الجزر محكوك على الطول ايضا ونشحره قليلا بدون زيت حتى ينزل ،نضيف له الكرعة ونشحر الكل حتى ينشفو تماما ، نضيف لهم البورو والكرومب ونخلط الكل.
• 3

  نصب الكل في صفاية بعدما يبرد نضيف لهم الدجاج مقطع + الزعتر+ حامضة مسيرة مقطعة ونتركهم جانبا .
• 4

  ثم نأخد ورقة البسطيلة نفرشها ورقة جانب ورقة وندهنها بالزدة الدائبة والزيت والقليل من الهريسة والقليل من سكين جبير محكوك رقيق مزيان ، نأخذ الحشوة ونصبها على اوراق البسطيلة ثم فوقها لانشون محكوك ونبدأ نلوي المحنشة حتى ننتهي.
• 5

  ندهن و جهها بما تبقى من الزبدة وندخلها للفرن بعد الطبخ تزين حسب الرغبة.
• 6

  بالصحة والراحة.