الطريقة :

• 1

  كناخدو العجانة كندير فيها الدقيق ، ملح والماء شوية بشوية حتى تدلك مزيااااان العجينة تكون قاصحة ونخلوها ترتاح ساعة .
• 2

  وبعدما ما ارتاحت كنكورها كويرات صغار ونغطيوهوم بالسولوفان ونخليوهوم ارتاحو بينما نوجد الحشوة.
• 3

  كناخد مقلات كندير فيها البصلة مشلظة مع الزيت البلدية والملحة والثومة ، تنشحرو الكل على عافية مهيلة وتنزيد الجزر محكوك ، الفلفة الحمراء وكنشحرو كولشي حتى تطيب ليا الخضرة ، نزيد صدر الدجاج والعطرية وتنزيد زيتون اخضر و الميرنا بعد ما قليناها في الزيت وفرتتها ، الشعرية الصينية بعدما قطعتها ونشحر الكل ونزيد المعدنوس ونطفي عليهوم.
• 4

  وبعدما ارتاحت العجين تنسرحها فوق سطح العمل بعدما دهنتو بالزيت حتى تولي شفافة ، كندير الحشوة وتندهن العجينة بالزبدة تكون بوماد ، تنروليوها على شكل رولو وتنشكلوها على شكل محنشة ، تندخلها الفران تطيب على عافية مهيلة حتى تتحمر من تحت عاد تنشعلو الفوق باش تحمر ونطفيو عليها.
• 5

  بالصحة والراحة.