طريقة التحضير
شهيوات من الدار_مع _سناء و زينة سلوان
كيك بالكرامبل و الفواكه الحمراء.
* المقادير :
300غ دقيق
110غ سكر ڭلاصي
2 خمارات
2 سكر ڤانيلا
2 بيضات
2 ياغورت طبيعي (بحرارة المطبخ)
50غ زبدة (بحرارة المطبخ)
* مقادير الكرامبل:
100غ دقيق
70غ زبدة (بارده و مقطعة طريفات)
4 معالق كبار سنيدة
* الطريقة:
كنحضرو في الأول الكرامبل ديالنا، بخلط العناصر كلها مع بعضها، نرملو الخليط ،(يلا تشكلت لينا كرة واحدة ماشي مشكل) و نوضعوه في الثلاجة و نمشيو نحضرو خليط الكيك
* الكيك :
كنخدمو البيض و السكر مزيآن حتى كيتضاعف الحجم ديالهم، نضيفو الياغورت، الزبدة ذايبة ،و الدقيق و الخميرة بعد ما نكونو غربلناهم و خلطناهم مع بعض، ندمجو العناصر كلها، و نوضعوها في مول بحجم 24سم، مدهون بالزبدة و مرشوش بالدقيق.
نستفو حبات الفرومبواز الطرية (إن توفرت) و نشتتو الكرامبل ديالنا من فوق، أو يلا كان طرف واحد نحكوه بالحكاكة الغليظة.
ندخلو الكيك للفرن مسخن على درجة حرارة 180°.
منين يوجد و يبرد نرشوه بالسكر ڭلاصي أو السكر ثلج و بالصحة و الراحة.
