طريقة التحضير
شهيوات من الدار_مع _سناء و نادية ندوجة من الرباط
كريب مالح
* مقادير الكريب:
نصف لتر حليب
4 بيضات
250غ دقيق
م ك زبدة مدوبة
ملح، بزار، كوزة
* صوص مورني:
نصف لتر حليب
50غ دقيق
50غ زبدة
50غ جبن محكوك
اصفر بيضة
ملح، بزار، كوزة
شرائح الديك الرومي المدخن
جبن مفروم
* الطريقة:
الكريب:
في خلاط كهربائي كنوضع الحليب والبيض والزبدة والملح، الابزار، الكوزة كنخفق جيدا وكنبدا نضيف الدقيق بالتدريج كنخلي الخليط يرتاح 30دقيقة.
*صوص مورني:
كندوب الزبدة في كاسرونة وكنضيف الدقيق ، كنحرك جيدا من بعد كنصب الحليب مع الخفق المستمر لما كيبدا الخليط يثقال كنضيف اصفر بيضة ونحرك بسرعة ،ثم الجبن والملح الابزار وكنسم بالكوزة وكنطفي النار ونخليها تبرد.
كنسخن مقلاة ونصع القليل من عجين الكريب على نار متوسطة ، كنقلبها على الجهة الثانية ومباشرة كنوضع الصوص وفوقها نصف شريحة ديال لداند والجبن وكنطويها ، نضغط عليها من الجوانب بملعقة ونطيبها على الجهتين حتى كتحمر وبالصحة والراحة.
