*الطريقة :

• 1

  نصلقو الروز مع اوراق الغار و الملح (الى كتستعملو البسمتي، كاس روز في 2 كيسان ديال الماء)
• 2

  في طنجرة نوضعو القليل من الزيت و نشحرو الدجاج من جميع الجوانب، نضيفو الخضر و البصلة المشلظة و نشحرو كلشي مع الدجاج ، نتبلو بالعطرية، نسمو بأوراق الغار عاد نضيفو الماء الكافي للطهي.
• 3

  منين يطيب الدجاج، ندخلوه الفران يتحمر و نخليو المرقة تخثر بلا منحركوها بزاف باش متعجنش الخضرة.
• 4

  في طبسيل نوضعو القليل من الدقيق مع الملح و الابزار، نمررو فيه البصلة لمشنفة و نقليوها، نحتفظو بها على الورق النشاف.
• 5

  في زلافة نوضعو القليل من الماء دافي مع الزعفران الحر و نخليوه يطلق شوية
• 6

  نوزعو الروز المصلوق على الصلصة الخاثرة، نقصو البوطة و نرشوه بالزعفران
• 7

  نحفرو وسط الروز و نوضعو زليفة صغيرة فيها الزيت (استعملت زيت القلي) و نوضعو فيها جمرة مزندة و نسدو الطنجرة مباشرة باش يتنسم لينا الروز بمذاق الفيمي.

* التقديم :

• 1

  نقدمو الروز مخلط بالمرقة الخاترة، نحطو فوقو الدجاج المحمر و نزينو بالبصلة المقلية و شوية القزبر و المعدنوس و بالصحة و الراحة