طريقة التحضير

المكونات والطريقة: 
الطبقة الاولى كيك:كناخد بيضة كزيد عليها 2 معالق سكر 2 م زيت 2 م حليب كنزيد المكونات مع تحريك وفي الاخير 2 م كاكاو مر و 2 دقيق ومعلقة صغيرة خميرة فورية كنفرش ورق طبخ وكندخل لكيك لفرن لمدة 10 حتى 14 كيكون واجد.
* الطبقة الثانية:
* لانسيغ كراميل:كاس الا ربع سكر كنديرو فوق نار يرجعلي كراميل بعد ماكناخد منهم 2 معالق كنخلطهم مع 2 صفار البيض مزيان حتى يميل لبياض منين كيوجد لي لكراميل كنزيد عليه 2 معالق زبدة و 70 غ مكسرات منين نزيد البيض والمكسرات 30 حتى 40 تاني نطفي عليه كيكون واجد صافي كنديرو فوق لكيك كيجي طبقة تانية.
* الطبقة 3 :
لاموس بشوكولا بيضاء: كناخد 2 صفار البيض مع 2 معالق سكر وڤاني كنطربهم مزيان وكناخد كاس ونصف حليب كنسخنو ونزيدو عليهم ونحرك الكل ونرجعهم لكسرونا فوق نار مع تحريك حتى تقال متوصلش لدرجة لغليان وباش نتاكدو انها واجدة كناخد ملعقة لي كنحركو بيها كندير خط فالوسط بالاصبع ديالي الا ماتلقاش كتكون واجدة كنطفي نار وكزيد عليها اربع اوراق جيلاتين من بعد ماكنكون موجداهم في لما بارد كنعصرهم مزيان صافي ونخليها تبرد بلا مندخلها لتلاجة وكناخد كاس وصف كريمة سائلة 250 مل كنطلعها ونزيد عليه الكريمة الانجليزية لي صايبت وهنا كتكون عندي واجدة.
كناخد القرص لي خدمت بيه كنغلفو بسولوفان وكنكوب لاموس هي الاولى عاد كنديد لكيك مع لانسيغ لكيك هي لي كتجي من لفوق ونغطيها وندخلها لمجمد ليلة كاملة 
الكلاصاج:كناخد كاس وربع سنيدة كندوبها حتى تولي كراميل كنزيظ عليها نصف كاس ماء ومعلقة نشا كنطلقة ب 2 معالق ماء مع تحريك وكزيد كاس الاربع كريمة سائلة كنقص نار ونخليها حتى يغلي ومنين نطفي نار كنزيد 3 اوراق جيلاتين بعد ماكنكون حاطهم فالماء بارد كنخلط مزيان وكنغطيه ونخله حتى هو ليلة كاملة فتلاجة
في الاغد كناخد كلاصاج كنديرو في حمام مائي باش يتطلق وكنخرج لكاطو ديالي كنكب عليه لكلاصاج وداكشي لي كيطيح من جناب كنعاود نرجهو لكاطو باش يتلبس مزيان وهاهو لكاطو لكلاصي ديالنا وجد بصحة وراحة