طريقة التحضير
شهيوات من الدار_مع _سناء و ايمان عبد المطلب
طرطوليت مالحة مع اقتراح لحشوات مختلفة
* المقادير :
نقطع العجين اللي سبق لينا وحضرنا لأ قراص و نطيبهم على ضهر المول.
مني تطيب نعمر بالحشوت المقترحة.
* حشوة الديك الرومي المدخن:
في مقلات نشحر البصل جوانح مزيان مع الفطر المعلب او الطري ، ملح، ابزار ،ثوم محكوك ، هريسة، 2معالق كبار فروماج الدهن و شرائح الديك الرومي المدخن مقطعة قطع صغيرة ، 6 معالق كبار قشدة الطبخ، خارج النار نزيد الفرماج محكوك.
* حشوة بالكفتة :
بصلة تتشحر مزيان مع الثوم محكوك ، ملح، ابزار، نزيد الكفتة حتى تطيب جميع المكونات وخارج نار نزيد جبن أبيض.
* حشوة بالدجاج المتبقي :
نفرتت الدجاج المتبقي و نخلطو مع 2 معالق كبار صلصة البشاميل، نزيد معلقة كبيرة فرماج دهن ، سيبوليت مقطع رقيق و نزوق بالفرماج محكوك .
* حشوة بالسبانخ و الكرفيط:
في مقلات ندير طريف زبدة و زيت زيتون، نشحر 2 ضروس ثون مع الكرفيط و شوية الربيع ، نزيد السبانخ مقطع رقيق، هريسة ،ملح، ابزار، كامون، نزيد الفطر المعلب او الطري و نزيد قشدة الطبخ و الفرماج محكوك.
* حشوة بالطون:
ناخدو بصلة و نقطعوها رقيقة، نحمروها مع الزيت، ابزار، ملح، نزيدو الطون مصفي ، نزيدو الزيتون الاسود مقطع رقيق و نحرك كلشي .
نعمرو بها الطارطوليت ديالنا.
بالصحة و الراحة.
