- ●10 الحبات من الموزات ديال الغنمي ، ملح، ابزار، سكين جبير، خرقوم بلدي، عطرية اللحم ، ( بسيبيسة، قعقلة، باديانة ) ضامة الزعفران أو الزعفران الحر، الثومة، دبس الثمر، عسل، كاس عنبة عصير الليمون، كاس ونصف زيت الماءدة وزيت الزيتون، صوص الصوجا لايت، ملعقة كبيرة زبدة، 2 بصلات مشلدين،ليمون مقطع شراءح والسكر سنيدة.
- ●ناخد طنجرة نعمل فيها الموزات،ملح، خرقوم بلدي، عطرية اللحم( معلقة ممسوحة ) معلقة عامرة من دبس الثمر أو 2 معالق عسل، عصير الليمون ونصف كاس ماء(كبير)، ثومة، الصوجا، سكين جبير، 2 عويدات قرفة، نعمل الكل يغلي على نار عالية بدون مادة ذهنية، لما تغلى مزيان نضيف الزبدة والزيت + البصل ثم نضيف الزعفران الحر محكوك والماء المغلي على مستوى اللحم، نغطي الطنجرة بالفيلم ونعمل فيها ثقب ونغطيها ونخلي الكل حتى يطيب ونضيف في الاخير معلقة عسل ومعلقة دبس الثمر ونترك الكل يتجانس.
- ●ناخد 3 الليمونات أو 4 متوسطين الحجم نقطعهم دواءر ونعملهم في لاطا مفروشة بورق الطهي ونرشهم بالسنيدة وشوية القرفة وندخلهم للفرن حتى يتكرملو ونزين بيهم الطبق ديالنا.
- ●ندهن الكنافة بالسمنة+شوية الملح والسكر كلاصي ونعملها في مول وندخلها للفرن ونزين بيها طبق اللحم.
- ●نزينو دواءر الليمون في جوانب الطبق ونضع اللحم في الطبق بشكل افقي ونزينه حسب الرغبة.
- ●بالصحة والراحة .
الطبخ