- ●فاول حاجة تتاخدو الدجاج بلدية صغيرة ولا رومي حسب الموجود نشرملوه بالعطرية:ملح،أنصف معلقة ص لبزار،معلقة سكنجبير،معلقة خرقوم،زعفران شعرة مدوب فشوي الماء سخون معلقة ص تومة او 2 ضريسات ثومة. معلقة صغيرة سمن ولا مكعب ديال سمن مكعب زعفران.قبيصة لملح شوي الماء باش تتخلط العطرية ومن بعد نشرملو الدجاجة مزيان ونخليوها ليلة كاملة مرقد ولا بلاقل 3 ساعات من بعد نخد فطنجرة ولا طاجين نديرو نصف كاس الزيت ونزيدو عليها بصلة كبيرة مشلظة تتشحر ونزيدو عليها الدجاج اللي شرب العطرية ونخلويه يتشحر مزيان على عافية مهيلة ومن نضيف زلافة لوز مفسخ وربيطة القزبر والماء الكافي ونخلوها تطيب دائما على عافية مهيلة حتا تعلك وفلاخير نزيد شوي القزبور مقطع وبالصحة والراحة وتيجي غزال هاد الطبق
الطبخ