المكونات والطريقة:

كناخد دجاجة مغسولة مزيان وكنشرملها بهاد الشرمولة

فاناء كندير شوية الربيع 3 فصوص ثوم محكوكين عصير نصف حامضة شوية الملح،ابزار،اوشوية الكامون، التحميرة،قزبور يابس،وشوية من عطرية الحوت،وشوية الهريسة ونصف كاس زيت بلدية كنزيد شوية الماء وانخلطو كلشي وانشرملو الدجاجة من الداخل وبرا ونخلويها واحد ساعة مرقدة

*الحشوة:

كناخد زلفة الروز كلاصي كنطيبه نص طياب كنزيد عليه فلفلة حمراء شوية مقطعة طريفات صغار وقشرة الحامض مصير مكردة رقيقة وشوية الزيتون أخضر مقطع ونزيد دك الشرمولة لي بقات عندي وكنخلطو هاد المكونات وكنعمر الدجاجة وانخيطها وانثقبها من جهة الصدر والفخاض وانحطوها على صدرها فالكوكوت بلامادير لاماء لاوالو الدجاجة دغيا كطلق الما كنسدو عليها واحد نص ساعة منبعد كنحلو عليها فحالة الا لقينها خاصها شوية الطياب كنزيد لها شوية وكندهنها بشوية الزبدة وانحمرها فالفرن

وداك المرق لي بقا عندي فالكوكوت كنلوحو فيه بطاطا مقطعة شرائح كطيب وكتشرب المرق وفالتقديم

كنحطو الدجاجة معمرة وكندور عليها البطاطا من الجوانب بالصحة والراحة