طريقة التحضير
شهيوات من الدار_مع _سناء و نادية ندوجة من الرباط
تحلية : بودينغ بالارز والكراميل
* المكونات:
1 لتر حليب
125غ ارز مكركب
2 بيضات
100غ سكر
كيس ديال الزهر
كيس ديال الفاني
40غ زبدة
م ك من ليمون معسل
قبصة ملح
كراميل 100 غ سكر
* الطريقة:
نغسل الارز جيدا ونخليه مرطب في الماء مدة ساعة تم كنصفيه .
في طنجرة كنوضع الحليب والسكر نعملوه فوق النار حتى يسخن ، نضيفوا الارز ونخليوه حتى كيطيب مع التحريك مرة مرة.
نضيف السكر حتى كيصبح كراميل ونصبوه في القالب.
لما كيطيب الارز كنضيف ليه الفاني والزهر وخارج النار كنضيف الزبدة والليمون معسل مقطع صغير والبيض ، كنخلط الروز جيدا وكنصبوه في القالب على الكراميل ، كنوصع القالب في وعاء اكبر منه وكنعمل فيه الماء غليان حتى يوصل للنصف(حمام مريم) ، ندخله الفرن ساخن على درجة° 160 النار من الاسفل فقط .
لما كيطيب كنتاكدوا بواسطة عود خشبي وكنخليوه يدفى قليلا، نقلبوه في طبق وكنعملوه يبرد مدة 4 ساعات ويقدم بارد بالصحة والراحة.
