* المكونات والطريقة :

_ الكولي:

نخد حبة المونك كبيرة تقريبا 450غرام نقيها ونقطعها نديرها فالخلاط ونضيف لها معلقة عصير الحامض رابعة ديال عصير ديال الفواكه الاستوائية لي معندوش يعوض بعصير اليمون معلقة صغيرة نكهة لاناناس نطحن لكل مزيااان نديرو فواحد لإناء. * المرحلة الثانية:

نخد لاطة ديال الفران ولا بلاط طويل نغلفو بورق طبخ وفوق بلاستيك الغدائي نخد بكية ديال لبسكيوي ديال تيراميسو اولا شاغلوط تكون فها 24حبة كنغطسو فداك لكوليي لصايبنا مدة 2 دقايق ولا 3 من بعد كنستف 2 سطورة مقابلين بعضياتهم وحدة مقابلة مع لأخرى كل سطر فه 12 الحبة حتى نساليو من بعد نغطيوه بلبلاستيك الغدائي ونخليه ليلة كاملة ولا نديرو فصباح وفعشية نبداو نخدم حاجتنا بلبيسكوي يشرب مزيان داك لكوليي باش يسهال علينا فالخدمة ويجي رطب من بعد.

* المرحلة الثالثة :

نخد داك لكوليي لي بقا لينا كنضيف له معلقة ك متكونش عامرة. بزاف نطلقها مع معلقة الماء عاد نضيفها على لكوليي نديرو فوق نار يغلي شوي ونخليه يبرد من بعد نوجد لموص ديال سوليرو كنخدو 300غرام جبن لماسكخبون معلقة سكر كلاصي فاني قبصة ملح معلقة ص روح ديال الكوك نخلط مزيااان من بعد نزيد 350 قشدة طرية تكون بارة من أصل حيواني ماشي نباتية نزيد شوي بشوي ونزيد 150غ شوكولا بيضاء مدوبة ندوزو اامونطاج

* المرحلة الأخيرة :

نخد داك البيسكوي ونسرحو فها ديك الكريمة كااامل ونوزعو فوقها داك لكولي من بعد نجمع بجوج يدينا يد على اليمين تحت البيسكوي ويد على اليسار ونجمعو على شكل قبة كنجمعوها مزيان ونجمع من الجناب صافي كنزينو من الفوق بوريدات الكريمة ومن الفوق كنصبو شوي من الكوليرا ونخليها مدة ليلة كاملة وكنقدموها بصحة وراحة