طريقة التحضير
شهيوات من الدار_مع _سناء وليلى طناني من المحمدية.
بيتزا فوق الحجر
* المكونات :
- العجينة : رابعة دقيق ، معلقة صغيرة خميرة، معلقة صغيرة سنيدة، 2 معالق كبار زيت الزيتون، شوية الملح و الزعتر.
* الصلصة:
2 مطيشات ، بصلة صغيرة، راس ثومة، زيت الزيتون، ملح ، ابزار، تحميرة، زعتر، شوية مطيشة الحك.
الحشوة: كفتة و صوصيص مشحرين . فلفلة في الالوان شمبنيون .ذرة . فرماج موزاريلا و احمر .
طريقة العجين : ندير الخميرة مع السكر و الماء دافيء حتى تتفاعل ، نزيد الدقيق و باقي العناصر و نعجنها تكون مرخوفة كتلسق، نغطيها و نخليها ترتاح من ساعة حتى 3 ساعات.
* الصلصة:
نطيبو مطيشة و تطحن و تصفى ، في مقلات ندير البصلةو الثوم و الزيت حتى تهبط، نزيد مطيشة و باقي العناصر و نخليها تنشف من الماء و تعقاد .
نطلق العجين و نخلي الجناب، ندير الصلصة، الفرماج موتزاريلا و الحشوة ثم الفرماج موتزاريلا و احمر في الاخير.
تدخل للفرن تطيب وقدم بالصحة والراحة
