نسلقو الكلمار في الماء مغلي من قبل فيه ورقة سيدنا موسى ، ثومة ، ابزار و نعملوه 5 دقائق ونزولوه ونصفيوه وداك الماء نعملو فيه الشعرية الصينية من بعد نصفيوها وتقطع بالمقص.

نحضرو الشرمولة فيها زيت زيتون وعصير الحامض ولبابة الحامض مصير، ثومة والربيع وصويا صوص ، ملح ، ابزار ، الخرقوم ، الهريسة والتحميرة ، نخلطو كلشي وناخدو الكلمار نشرملوه بشوية من الشرمولة اللي صايبنا .

نفس الطريقة بالنسبة للكروفيط والحوت الابيض والفلفل الاحمر الحلو والشامبنيون ، من بعد نشحرو كل حاجة بوحدها في شوية الزبدة ومن بعد نخلطو كلشي ،

ناخدو المول العجيب وندهنوه بالزبدة ونستفو الكنافة اللي حليناها وفرتتناها مزيان بالزبدة مذوبة كطبقة1 أولى ، ومن بعد الحشوة منكتروهاش ومن بعد نغطيو بطبقة الكنافة ، نضغطو عليها مزيان وندخلوها للفرن تتحمر.

نقلبوها في طبق التقديم ونزوقوها بالكروفيط مشحر في الزبدة والملح والابزار والزعتر. وبالصحة والراحة .