المكونات والطريقة:

• ●5بيضات، قبصة ملح ، الفاني ،ة130 غ سكر سنيدة،ة كنطربهم مزيااااااان حتى كيضاعف الخليط ويتكاثف كيولي كريمي ضروري هاد المرحلة ، من بعد كنحبس الطراب ونخلط غير بالفوي اليدوي او سباتيل من تحت الى الفوق، كنضيف خمارة 8غ و 150 غ دقيق ابيض مغربلين ضروري على 3 دفعات، ماكنضيفهمش دفعة واحدة، من بعد كنفرغ في اللاطة مفرشة بورق الطبخ ضروري، والى الفرن مباشرة .
• ●كيف تطيب نخرجها نروليها وهي سخونة ونخليها على جنب .

كريم موسلين:

• ●نصف لتر حليب، 4 معالق كبااار بودرة الكريم باتسيير ، 3 معالق كبار سكر، نخلط الكل على البارد ونحطو فوق النار مع التحريك المستمر حتى يعقاد، نطفي و نضيف معلقة صغيرة فاني بودرة ونخلط مزيااااااان .
• ●نفرغو في بول ونغطيه بفيلم اليمونتير ملامس للوجه، نخليه يبرد ملي يبرد مزيااان نطربو ونبدا نضيف الزبدة 120غ بحرارة الغرفة ماتكونش باردة و3 معالق كبار براليني، نطرب و كنضيفهم تدريجيا، نسرح الرولي و نسقيه بالحليب ، ونحط الكريمة والنوكاتين للقرمشة ، ونرولي و نعاود ندهن الرولي من فوق وبالصحة والراحة.

طريقة التحضير