المكونات والطريقة :

المرحلة الأولى تحضير السيرو :

• ●50 غ ماء مع 125غ سنيدة الكل فوق النار مع التحريك بالكاسرونة ، حتى يعطي فوقعات كبار .

الكريمة :

• ●بالباطور نطرب 7 أصفر بيض حتى يتضاعف الحجم ديالهم ويبياض لونه ، نزيدوا عليهم روح القهوة معلقة صغيرة بسرعة عالية ، نضيف عليهم السيرو اللي حضرنا مع الزيادة في سرعة الباطور مثل المورانغ الايطالية .
• ●للتزيين : نأخذ من الكريمة حوالي زلافة صغيرة على جنب نضيف لها 20 غ من الشكولا براليني مذاب ومخلط الكل.

المرحلة الثانية :

• ●نطلع 200 غ كريم فريش ثم نضيف له 250 غ من المسكاربون ونخلط جيدا ، ثم نضيف لهم الكريمة اللي حضرنا من قبل وتخلط شوية بشوية.

سيرو لسقي البيسكوي :

• ●1 كأس ماء ، نصف كأس سنيدة ، معلقة كبيرة من القهوة سريعة الذوبان ، 2 معالق كبار حليب ، يترك الكل يغلي فوق البوطة ونتركه يبرد ثم يسقى به البيسكوي.

التقرميشة :

• ●100غ شكولاطة براليني أو شكلاطة بالحليب ، 150 غ فويتين ، يذاب الكل ثم يوضع في مستطيل قياس البيش ويدخل الثلاجة مدة 3 ساعات .

بيسكوي الملعقة :

• ●120 غ بياض البيض ، قبصة ملح و 50 غ سكر تطلع جيدا مثل الثلج .
• ●في بول نضع 50غ سكر مع 80 غ أصفر البيض ونطربهم جيدا مع السكر حتى يتضاعف الحجم ويصبح كريمي ، نضيف لع 100غ دقيق ونخلط بالسباتيل و نضيف له بياض البيض مع الخلط من أسفل الى أعلى .
• ●في لاطة مفرشين بها ورق الطهي وبها اطار مربع نصب الخليط و يدخل الفرن على 180 درجة مدة 12 دقيقة .
• ●نروليوه مباشرة بعد اخراجه ونتركه يرتاح مدة ساعة ، ثم يسقى بالسيرو اللي حضرنا.

طريقة التحضير