- ●رابعة فورص ،نصف رابعة الزبدة ، ملعقة ديال بافو ، القليل من الملح .
- ●في اناء نضع الفورص ، الملح، ملعقة بافو و نجمعو بأطراف الأصابع ، نضيفو الزبدة بحرارة المطبخ ، نجمعو العجين وماندلكوهش بزاف ، الا خاصو شوية باش يتجمع نضيف ملعقة او ملعقتين ماء ، نوضعو العجين في بلاستيك غدائي و ندخلها الثلاجة ونتركها ترتاح كلما رتاحت لنا احسن.
- ●كناخد العجين و نسرحوها فوق سطح العمل ، نديرو تحت منه البلاستيك و فوق العجين بلاستيك ، نطلقوها بالمدلك و نقطعها بالقطاعة اكبر من المول ديال الكيش ، نقادها في المول مزيان ، ملي نكمل كاع العجين و اللي شاط ليا نديروه في بلاستيك و نعاودو ملي نسالي ندخلهم الثلاجة يشدو في راسهم ، نجبدهم ونتكهم بالشوكة و ندخلهم الفران يطيبو من تحت و فوق يتشمعو .
- ●رابعة الكفتة ، بصلة مشلظة ، ملح، ابزار ،2 معالق كبار زبدة، 2معالق كبار فورص ، نصف لتر حليب ، فروماج محكوك والقليل من الربيع مقطع .
- ●في مقلات كنديرو بصلة مشلظة او البوارو ، نضيفو الكفتة فيها العطرية و الملح ، الابزار ، شوية الزيت البلدية ، نشحرهم مزيان و نضيف ليهم 2معالق زبدة ، 2 معالق فورص ، نصف لتر حليب، نحركو جيدا حتى يعقاد الخليط و نضيفو شوية الفرماج محكوك و شوية الربيع .
- ●نعمرو لكيش ديالنا بالحشوة و ندخلهم الفرن و كنخرجوهم ، نضيفو الفرماج محكوك و رشة الربيع .
- ●و بالصحة و الراحة.
الطبخ