الطريقة :

• 1

  نخلط الدقيق مع الملح و الزيت ، نزيد بيضة و نجمع الخليط بشوية بشوية حتى نشكل كرة ماندلكهاش ، نخليها ترتاح ساعة و من بعد نرشها بشوية الدقيق و نطلق أولا بالمدلك شوية و نكملها و نطلق و نعاود نقص من الروق بشوية بشوية حتى نوصل 0.5 سنتيم ، نقدر ندير لازان او سبكيتي او طاكلياتيل .
• 2

  بالنسبه للرافيولي نعمرهم من الداخل بالكفتة مشحرة او كروفيت مدكدك او خليط الفروماج و الجبن او خليط جبن و السبانخ و الفروماج محكوك و نسدهم بواسطة شوية الماء ، نشكلهم على شكل شوصون او على شكل دائري او على شكل طولي و نقطعهم لمربعات .
• 3

  بالنسبة لطاكلياتيل نعمرهم على شكل كعب غزال و نلفها من قدم والوراء ، من بعد نشكل كلشي نسلقهم في ماء مغلي مع شوية ملح لمدة 5دقائق. مني كيطلعو فوق الماء كنعرفهم طابو و نقدمهم مع الصلصات المقترحة .

طريقة الاحتفاظ بالمكرونة :

• 1

  ننشريها على حبل صغير في لمطبخ حتى تيبس او تسخني الفرن على 50 درجة و تحطيهم فوق منديل ناشف تدخليهم للفران و تخليه محلول شوية مدة ساعة حتى ينشفو او استعمالها في الحين .