حلوى الجينواز في المقلاة و الكريمة بطريقة ماجدة من سلا : راديو أصوات

المدينة	التردد	المدينة	التردد
آسفي	103.6	أصيلة	102.3
أكادير	100.4	إفران	103.6
الجديدة	95.1	الحسيمة	97.7
الخميسات	99.9	الداخلة	89.7
الدار البيضاء	104.3	الراشدية	102.5
الرباط	95.7	السعيدية	102.0
السمارة	93.5	الصويرة	92.8
العرائش	99.3	العيون	104.6
الغرب	99.3	القنيطرة	105.8
الناظور	104.3	اليوسفية	100.6

الطبخ

حلوى الجينواز في المقلاة و الكريمة بطريقة ماجدة من سلا

●في خلاط كهريائي كنوضعو 3 بيضات ، نصف كأس زيت ، كأس حليب ، كأس سنيدة ، نخلطو المكونات مزيان و نزيدو عليهوم 2 كيسان و نصف دقيق مغربل ، 2 مع ك كاكاو مغربل ، 2 خمارات مغربلين ، نطحنوهوم مزيان .
●كاناخدو المقلاة للي كنطيبو فيها البغرير و كانديرو الكل يطيب .
●بالنسبة لهاد الخليط كيعطينا 10 جينوازات و كيكونو رقاق

●ناخدو كاسرول كنديرو فيها نصف لتر حليب ، 3 بيضات ، 4 مع كريم باتيسيير ، 4 مع سكر حبيبات و نديروهوم فوق البوطة مع التحريك حتى يعقادو مزيان و نخليوه يبرد .
●ناخدو واحد الاناء كانديرو فيه 300 غ زبدة بحرارة المطبخ ، نزيدو عليها 2 م ك سكر كلاصي مغربل ، نطربوها بالطراب الكهربائي و ناخدو الكريمة للي خليناها تبرد و نخلطوها حتا هي .
●نبقاو نزيدوها على الزبدة حتى كتخلط لينا كاملة و من بعد كاناخدو كأس ديال اللوز اللي حمرنا في الفران ، كانطحنوه في الطحان الكهربائي ، نزيدو عليها مع سكر حبيبات ، كأس زيت حتى كنحصلو على البراليني و كانضيفوه على الكريم و الزبدة اللي خلطناهم مع بعضياتهم .
●كانزيدو 4 مع شوكولاطة الدهن و نخليوها تبرد ليلة كاملة في الثلاجة.
●و ناخدو الجينوازات اللي طيبنا و نمونطيوهوم يعني طبقة من الجينواز و طبقة من الكريمة حتى كنكملو و التزيين كيبقي حسب الرغبة .
●بالصحة والراحة.