أول حاجة كناخد كاصرونة كندير فيها مطيشة مقطعة على 4 مع كمية من الماء ومعلقة صغيرة تحميرة ونديرها تغلى غير طلع الغلية نطفي عليها

ناخدو كوكوط نعملو فيها الحمص مرطب القزبور والمعدنوس مقطعين والكرافس وبصلة مشلضة رقيق والملح والابزار والكركم وزيت المائدة وزيت الزيتون

ثم نطحنو مطيشة لي سلقنا ونصفيوها ونزيدو لقياس ديال الماء ونسدو عليها ونخليها طيب 40 دقيقة ثم نحل عليها ونضيف معلقة السمن ومعلقة كبيرة مطيشة الحك وكمية من العدس وكمية من الفول اختياري ثم نسدو مرة ثانية حتى يطيب الكل وندوروها بالماء والدقيق ونضيف شوية من الربيع والكرافس كيعطي مذاق خطير فالأخير حتى تغلى مزيااان ونضيف الشعرية دائما مع التحراك المستمر ونقدموها بالصحة وراحة