●2- أنسير insert الكاوكاووالفاني:

2 أصفر البيض (40غ)

20غ سكر سنيدة

185 غ كريمة سائلة 35%

1 ورقة جيلاتين

1 م ص فانيلا

60 غ براليني الكاوكاو

◇ نسخن الكريمة السائلة مع الفاني حتى تغلى

◇ نخدم السكر مع صفار البيض حتى يبياض الخليط. ونضيف عليه الكريمة المغلاة على ثلاث مراحل مع الخفق.

◇ نرجع الخليط للكاسرونة ونوضعه فوق نار مهيلة مع التحريك المستمر حتى توصل درجة حرارة الخليط إلى 83 °c.

◇ نرفع الخليط من فوق النار ونضيف عليه ورقة الجيلاتين الي رطبتها في الماء من قبل وتكون معصورة مزيان.

نحرك حتى تذوب وأخيرا نضيف البراليني الكاوكاو نحرك الكل وباش يمتزج مزيان نطحنه.

◇ غادي ناخد واحد المول طويل بومبي من الأسفل قياس 23x4 ستم ونغلفه بالرودويد ونكب فيه الخليط وندخله للمجمد. تقريبا ساعة أو ساعتين.

● 3-أنسير الكراميل والكاوكاو:

100 غ سكر خشن

35 غ زبدة حيوانية

165 غ كريمة سائلة

1 ورقة الجيلاتين

ملح

40 غ الكاوكاو محمر ومهرمش طريفات كبار.

نذوب السكر حتى نحصل على كراميل بني فاتح ونضيف عليه الكريمة السائلة بعدما سخنتها مسبقا مع قبصة ملح ونحرك جيدا نضيف الزبدة نحركها حتى تذوب ونخرجه من فوق النار. ثم نضيف الجيلاتين بعدما نعصره من الماء نحرك حتى يذوب واخيرا نضيف الكاوكاو مهرمش. نخلط الكل ونكبه فوق الانسير الأول بعدما شد راسه في المجمد . وندخل الكل إلى المجمد مرة أخرى.

● 4- البيسكوي براوني بالكاوكاو:

35غ الشكولاتة السوداء

60 غ زبدة حيوانية

1 بيضة

50 غ سكر خشن

30 غ دقيق أبيض

ملح

45غ الكاوكاو محمر ومهرمش غليض

◇ نذوب الزبدة مع الشكلاط ونحتفظ بهم جانبا

◇ نخدم البيضة مع السكر جيدا حتى يبياض الخليط نزيد عليهم خليط الشكلاط والزبدة ونخلط ثم نضيف الدقيق والملح ثم الكاوكاو مهرمش ونخلط الكل جيدا . نكب الخليط في المول ديال الكيك الطويل قياس 24x6 ستم. أو 30x8 ستم بعدما غلفته بورق الطهي . وندخله للفرن بحرارة 175°c مدة بين 10 حتى 14 دقيقة حسب الفرن.

بعدما يطيب نوضعه فوق الشبكة أو الغربال ونخليه يبرد.

● 5- الطبقة المقرمشة بالكاوكاو:

50 غ فويتين

90 غ براليني الكاوكاو

23 غ شكولاتة بالحليب

1 م ك زيت المائدة

◇ نذوب الشكلاط ونضيف ليه البراليني الكاوكاو والزيت نحرك حتى يتجانس الخليط ونضيف الفويتين ونخلط الكل جيدا.

◇ ناخذ البيسكوي براوني من بعدما برد مزيان ونغطيه بالطبقة المقرمشة بشكل متساوي ونحتفظ بهم في المجمد.

● 6- موس الشكولاتة السوداء :

160 غ حليب كامل الدسم

80 كريمة السائلة (1)

3 أصفر البيض (60 غ)

60 غ سكر

2,5 أوراق الجيلاتين

150غ شكولاطة سوداء

250 غ كريمة سائلة (2)

رأس م ص نكهة القهوة

◇ نغلي الحليب والكريمة (1) ونكهة القهوة

◇ نذوب الشكلاط ونحتفظ به جانبا

◇ نخدم أصفر البيض مع السكر حتى يبياض الخليط ونضيف ليهم خليط الحليب والكريمة السائلة على مراحل مع الخفق.

◇ نرجع الكل للكاسرولة ونوضعه فوق نار مهيلة مع التحريك المستمر حتى توصل درجة الحرارة إلى 83°c . نخرجه من النار ونضيف ليه الجيلاتين ثم الشكلاط . ونطحن الكل بالخلاط ونحتفظ به جانبا.

◇ نخفق الكريمة( 2) حتى نحصل على شونتيي. ثم نبدأ نضيفها على خليط الشكلاط على مراحل مع التحريك بالسباتول حتى ينسجم الكل.

● 7 - المونتاج:

ناخذ مول السيليكون ديال البيش قياس 24x7 . أو أي مول ديال الكيك طويل وحبذا اذا كان بومبي من الأسفل ونغلفه بالرودويد . أو الفيلم الغذائي.

◇ نوضع طبقة من موس الشكلاط في الأسفل والجوانب نخليها تقريبا نصف ساعة في الثلاجة .

◇ ثم ننزل على طبقة الموس أنسير البراليني والكراميل من بعدما خرجتهم من المول وقاديت القياس ديالو مع المول ديال البيش. نضغط عليه شوية حتي طلع لي الموس من الجوانب .

◇ ثم نغطيه بطبقة خفيفة من موس الشكلاط وندير حساب البيسكوي.

◇ وأخيرا نوضع البيسكوي براوني من بعدما قديت ليه القياس. الوجه الي فيه الطبقة المقرمشة هو الي من الداخل والبراوني على برة. نفيني الجوانب بموس الشكلاط ونغطيه بالفيلم الغذائي ونحتفظ به في المجمد ليلة كاملة .

● 8- التزيين

◇ كلاصاج فيريرو روشيه

210 غ شكولاتة بالحليب أو Pate à glacer

40 غ لوز مهرمش مسخن

40 غ زيت المائدة

نذوب الشكلاط ونضيف الزيت واللوز ونخلط الكل.

◇ شكولاتة سوداء مذوبة

◇ أي كاناش شكولاتة متوفر ( نفس كمية الشكلاط والكريمة )

◇ بعض حبات الكاوكاو

◇ بودرة الذهب

◇ إختياري شريط من أى صابلي معتمد عندك قياس 18x 2.5 ستم

◇ ناخذ الشكلاط مذوب ونشكله على شكل حاجزين مناسبين على حسب شكل قالب البيش ( مربع أو دائري) ممكن نستعمل مول السيليكون أو فقط نحدد الشكل على ورق عادي ونوضع فوقه قطعة من الرودويد واشكل دوائر عشوائية متشابكةبالشكلاط بواسطة الجيب الحلواني ونخليه يتجمد.

◇ بعدما جمد البيش نخرجه من المول برفق. نوضعه فوق شبكة ونغطيه بالكلاصاج .

◇ نحول البيش فوق كارتون التقديم الذهبي ثم نلصق حاجزين الشكلاط على حواف البيش بواسطة الكاناش.

◇ ناخذ شريط الصابلي ونلصقه فوق البيش بشوية الكليكوز ثم نزينه بالكاناش الي درتو في الجيب الحلواني ونزين بحبات الكلوكاو بعدما غطيتها بودرة الذهب . وبالصحة والراحة.