الطريقة :

• 1

  نخلط الشرمولة : الربيع ، العطرية ،عصير الحامض ، الثومة ، الملح ، نصف كمية زيت الزيتون.
• 2

  نقسم الشرمولة على 3 أجزاء:
• 3

  * الجزء الاول نشرمل بيه الحوت الابيض وندخله للفرن يطيب.
• 4

  ناخدو الكلمار نوضعوه في الماء مع 3ضروس ثومة بقشرتها ، ورقة سيدنا موسى وقشور نصف حامضة ، نعملوه يغلا 10دقائق فقط ونصفيه .
• 5

  نرطبوا الفرميسيل في ماء ساخن ونصفيوها ونقطعوها بالمقص ونضيفو ليها جزء من الشرمولة ونخلطوها في مقلاة ، نوضع 3 ملاعق زبدة مع البورو مقطع رقييق يتشحر و نحرك ، نضيف الشومبينيو ونحرك ونضيف الحامض مصير والهريسة وشوية زيت الزيتون و الجزء للي بقا من الشرمولة .
• 6

  في الاخير نضيف الكروفيت غير تنشف هاد المكونات من الماء نطفي عليها ونضيفها للفيرميسيل ونزيد عليهم الكلمار من بعد ما صفيناه ، ملعقتين من صوص الصوجا والفرماج الاحمر محكوك ، نخلط ونضيف لهم الحوت الابيض لي دخلناه الفرن من بعد ما نقيناه مزيان ، نخليو الحشوة تبرد .
• 7

  نمونطي البسطيلة ديالنا ونتقبها مزيان باش ماتفركعش وندخلها الفران على عافية مهيلة.
• 8

  بالصحة و الراحة.