طريقة التحضير
شهيوات من الدار_مع _سناء و حليمة ام شهد من البيضاء
كيكة باللبن و صلصة القهوة
* المكونات و الطريقة :
في إناء نوضعو 3 بيضات بحرارة المطبخ مع كأس سكر و نضربوهم مزيان حتى يبياض الخليط نضيف نصف كأس زيت بالتدريج ، من بعد نضيف كأس اللبن بالتدريج ، زوج معالق كبار كاكاو مر ، راس معلقة من نكهة القهوة (ممكن تعوضوها بمعلقة قهوة سريعة الذوبان)، نضيف 2 أكياس ديال خميرة الحلوى و الدقيق على حساب الخليط ميكونش ثقيل بزاف .
ناخدو مول ندهنوه بالزبدة و نرشوه بالكاوكاو كونكاصي نصبو خليط الكيك.
ندخلوها الفران على دارجة حرارة 175 العافية .
* لتحضير صلصة القهوة :
كناخدو كاسرول نوضعو فيها نصف كأس قهوة ، ربع كأس زيت ، معلقة كبيرة كاكاو ،
ربع كاس سكر ، معلقة كبيرة دقيق الذرة، نحركو كولشي مزيان و نوضعو الخليط على نار مهيلة حتى يثقال نطفي البوطة و نضيف معلقة زبدة ، راس معلقة نكهة القهوة و نخلطو مزيان.
(نخليوها تبرد و نزينو بيها الكيك ديالنا) .
بالنسبة للخطوط البيضاء :
ربع كأس كريمة سائلة ونضيف ليها قطعة جبن مربع وتخلط بالخلاط اليدوي غير شوية و نزين بها.
