طريقة التحضير
شهيوات من الدار_مع _سناء و سمية من مكناس
دجاج معمر ومحمر بدون كسكاس اوكوكوط و بدون زيت
* المكونات :
نصف كيلو بلبولة الشعير متوسطة أو غليظة ومبخرينها من قبل تكون طايبة مزيان ومدهونة بالزيت.
1دجاجة متوسطة ، معلقة صغيرة سكنجبير، معلقة ص خرقوم معلقة ملح ، معلقة الهريسة، ربع كأس ماء، معدنوس مقطع، ثومة محكوكة او ثومة غبرة ، زعفران ، 1 بطاطة مقطعة او 2 صغار بصلة مقطعة دوائر، 1 جزرة كبيرة، 1 زلافة صغيرة جلبانة و رابعة الكفتة الا توفرات .
* الطريقة :
ناخد زلافة نديرو فيها العطرية: معلقة سكنجبير ، معلقة خرقوم ، معلقة صغيرة ملح، هريسة اختيارية ، 3 ضروس ثوم و الربيع. نخلط الكل ونشرملو الدجاجة مزيان ، وديك الشرمولة اللي بقات في الزلافة كنزيدو عليها ااعطرية وشوية البلبولة واامعدنوس ، شوية العطرية ديال الدجاج الا كانت متوفرة، كنخلطو مزيان ، نعمرو الدجاجة ونجمعولها رجيلات ونخليوه مرقدة مدة 3 ساعات واكثر حتى تشرب مزيان.
ناخذد لاطة او مول لغدي الفرن ، ندهنوه بالزيت ونفرشو البصلة دوائر ومطيشة وونحطو الدجاجة ندهنوها بشوي ديال الهريسة والخرقوم او الزبدة والخرقوم، ندخلوه الفرن مدة 3 ساعات على عافية مهيييييلة ، حتى كتطيب وتحمر كنخرجوها وكنحيدوها.
الصلصة اللي بقا تحت دجاجة، كناخدوها وكنمعسوها مزيان او كنطحنوها ، نضعها في مقلات ونزيدو ليها معلقة كيتشوب او معلقة صغيرة سنيدة ، معلقة خل ، كنشحرو كل شي مزيان حتى كتولي عندنا صلصة .
* التقديم:
كنكونو موجدين البلبولة، كنقطعو فيها الخيزو والبطاطا والجلبانة مصلوقين، ونخلطو معاهم مايونيز وشوي الملح ، ابزار ومعدنوس مقطع، نخلط الكل .
نديروه في طبق التقديم ونحطو الدجاجة من فوق ونزوقوها بالحامض و الزيتون من فوق كنقدموها بالصحة والراحة .