طريقة التحضير

اللحم حسب عدد الأشخاص يرقد في : السمن ، الابزار الأبيض ، الزعفران شعرة أو ضامة الزعفران ، الثوم محكوك ، الربيع قبطة ، العطرية الخاصة باللحم و نرقده حوالي ساعتين و مافوق ، ثم نضيف كأس زيت الا كان 1 كلغ لحم.
في طنجرة نحك حوالي نصف كلغ بصل مع اللحم حتى يتشحر و نضيف الماء حوالي 3 كؤوس ماء و نشدوا عليه باش يطيب.
فاش يطيب لينا اللحم مزيله و نضيف للطنجرة 1 كلغ و نصف بصل مشلظ ، 2 معالق سنيدة و رشة القرفة و نبقى نحرك حتى توقف لينا البصل.
مطيشة معسلة : 
مطيشة محيدين ليها الزريعة و مقشرة مقطعة طريفات ، نضيف لها 2 معالق زبدة ، معلقة ماء الزهر و2 معالق سنيدة و نعسلها جيدا ، في الأخير نضيف معلقة زبدة و نتركها 10 دقائق فوق النار و معلقة ماء الزهر و رشة قرفة.
* النوكا بالزنجلان : 
100غ سنيدة ، 100غ زبدة ، 100غ كليكوز و 120غ زنجلان عادي.
- على نار مهيلة نضع كل المكونات ماعدا الزنجلان حتى الأخير مدة 2 دقائق و نزيل الكل.
في مولات سليكون دائريين ندخلهم للفرن مدة 10 دقائق .
* نوكا باللوز : 
50 غ سنيدة ، 50 غ زبدة و 50غ كليكوز و 100غ لوز كونكاسي.
- على نار مهيلة نضع كل المكونات ماعدا الزنجلان حتى الأخير مدة 2 دقائق و نزيل الكل.
في مولات سليكون دائريين ندخلهم للفرن مدة 10 دقائق .
* التقديم : 
في طبق التقديم نضع اللحم ثم الدغميرة في زليفات ، نقسم البوعويد على جوج و نضع فوقه مطيشة معسلة و النوكا دائرية ، ثم دوائر النوكا فوق اللحم و جوانب الطبق.
بالصحة والراحة.