طريقة التحضير
شهيوات من الدار_مع _سناء و كنزة من البيضاء
كلاص بدون قوالب للاطفال
* المكونات والطريقة :
في البداية كنوجدو حليب مركز محلى منزلي .
- الحليب المركز المحلى :
علبة حليب غبرة، معلقة كبيرة كليكوز ، كاس سنيدة ، الكل فوق النار حتى يغلي .
نجمع 2 كيسان حليب ، نضيف له معلقة النشا ، ثلاثة المعالق حليب مركز محلى ، فلان ديال الفريز ، الكل فوق النار حتى يثقال شوية و نخليه يبرد .
ناخد قرعة متوسطة ديال الماء المعدني نثقبها بسكين ، الثقوب متباعدة ونعمرها بالخليط ، ندخلها الفريكو لما تجمد نقطعها بسكين مسنن ، نعملها في الشوكولا البيضاء مذابة، ومباشرة نعملها في الماء البارد جدا، ثم نزينها بحلوى الاطفال.
وبالصحة والراحة.