طريقة التحضير
* العجين :
500 غرام من الدقيق ، كأس الا ربع زيت ، معلقة كبيرة خميرة طرية ، بيضة و حليب دافئ لجمع العجين.
* الطريقة :
ندمجوا المكونات و نضيفوا ليها الحليب حتى نحصلوا على عجين طري ، نخلطوها مزيان و نغطيوها و نخليوها تختمر.
* الحشوة :
بصلة صغيرة مشلظة ، 300 غرام من الكفتة ، قليل من الملح ، الابزار، قليل من المعدنوس مقطع ، معلقة صغيرة مركز الطماطم .
* الطريقة :
نشحروا هاد المكونات في مقلاة، من بعد ماتبرد الحشوة نضيف لها 100 غرام زيتون مقطع و 80 غرام من الجبن محكوك.
- من بعد ما تخمر العجين نبسطوها بالمدلك و نقطعوها دوائر ، نوضعوا الحشوة في الوسط و نجمعوا العجين من الجوانب ، و نعطيوها شكل طويل، و نوضعوها في صينية الفرن.
نغطيوها و نخليوها تخمر للمرة 2لثانية ، من بعد ندهنوها ببيضة مطربة و نرشوها بالقليل من الزنجلان و ندخلوها للفرن على 180 درجة و نخليوهم حتى تتحمر.
وتقدم بالصحة و الراحة.
