الطريقة:

• 1

  كنخلطو التوابل بالماء و كنتبلو السمان جيدا و نخليهم يرتاحو.
• 2

  كنديرو الزبيب و الماء فوق البوطة و كنضيفو التوابل ، كنخلط مزيان و كنضيف كمية ديال السكر اللي غادي يتعسل فيها الزبيب ، كنضيف معلقة ديال الزبدة و كنخليوه يتعسل حتى ينشف من الماء و من بعد كنزيدو اللوز و نحركو الخليط مزيان .
• 3

  كنعمرو السمان بالحشوة ، كنديرو العطرية للي نقعنا فيها السمان في الطنجرة، كنضيفو الابزار ، الملح و المسكة الحرة ، كنحطو السمان اللي عمرناه بالحشوة في الطنجرة ، كنزيدو عليه الماء مغلي ، عويد القرفة و ربيطة الربيع .
• 4

  فاش كيطبخ كنزيدو عليه زيت المائدة و الزبدة ، كنغطيو عليه وكنخليوه يطيب على عافية مهيلة.
• 5

  كنردو السفة تفور و في التفويرة الأخيرة كسقيوها بالحليب بودرة مخلط مع الماء و الزبدة حتى كيعطي قوام كريمي و كنخليوها تطيب .
• 6

  كنزولو السمان من الطنجرة و كنديروه في لاطة كندهنوه بالزبدة و الزعفران الحر ، كندخلوه للفرن مدة 5 دقائق حتى كيتحمر .
• 7

  و كنزيدو البصلة على المرقة للي طاب فيها السمان و فاش كتطبخ كنزيدو عليها معلقة كبيرة ديال العسل و كنخليو المريقة حتى كتعسل و توجد .
• 8

  و كنقدمو الطبق ديالنا بالصحة و الراحة.